full screen background image

قصيدة رثاء في فضيلة الشيخ الغالي / خالد بن ابراهيم الشمسان للشاعر المبدع ابراهيم الشمسان

قصيدة رثاء في فضيلة الشيخ الغالي / خالد بن ابراهيم الشمسان للشاعر المبدع ابراهيم الشمسان

(رثاء) في أخي خالد بن ابراهيم الشمسان(ابوالوليد) تغمده الله بواسع رحمته واسكنه فسيح جناته

(مرحوم ياللي )
يارب لطفك في تصاريف الاقدار
مادبر ( المعبود ) يجري
علينا

أمر الولي لاحل ماعنه
معذار
اللي كتب باللوح لازم
يجينا

لابد ما يومٍ لنا (الموت)
زوار
نسعى بها ( الدنيا ) وهو
مقتفينا

مرحوم ياللي ماشكا منه
الجار
سمح الجناب في رضا
الوالدينا

ريف الضعيف اللي من الوقت محتار
ياما على ( فرقاه ) حنا
بكينا

امضيت انا وإياه بالعمر
مشوار
اخوٍ ( عزيز ) ،، ومنقع
الطيبينا

اليوم غاب دونه الشوف
قد حار
يالله عساه ،،، برفقة
الصالحينا

يالله عسى قبره بختري
ونوار
عسى الحيا يسقيه في
كل حينا

ياقبر لاجيتك مع الدرب
مرار
سلم على اللي (بالثرى)
دافنينا

سلم على من له معزه
ومقدار
( ابو الوليد ) إن عِدّو
الغانمينا

ويالله ياللي ،،، ماتبدا
للانظار
يا واحدٍ لكل الخلايق
ضمينا

ياعالمٍ مابالخفاء سر
واجهار
يامن على بابه لعطفه
رجينا

ترزق نزيل القبر جنات
وانهار
وتغفر ،،، ذنوبه يارحم
الراحمينا

وتجعل ظلام القبر يشع
بانوار
يعطى ( كتابه ) مسّلمٍ
باليمينا

الله يعظم اجركم ياهل
الدار
ويعوض ،، اللي لماجرى
صابرينا

ابراهيم م الشمسان




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.