( الله يبـيحه )
للشاعر المبدع ابراهيم بن محمد الشمسان
الصاحب اللي حد قلبي على اقصاه
اللـه يـبيـحه ويـش مـاكـان رده
الطيـب طبعـه والوفـاء مـن سجاياه
مثـل النجـم صعبٍ على مـن يـعـده
يـاقـلب ياللـي بـالخفـاء لـه مناجـاه
يـاللـه لاتبيـح علـى النـاس ســده
كان الخطاء منـي على غيـر مشهاه
مـن واجبـك حبل المـواصل تشـده
حيـث ان مثلـك تفرح القـلب لامــاه
صعبٍ على نفسي مع الوقت صــده
وكـان المفـارق غايـت الخل ومـنـاه
وشلون افـارق من ضميـري يــوده
وإن بـارت الأيـام بالـوصـل وايــاه
اللـه كـريـم مفــرجٍ كـل شــده
حلفـت انـا واللـه والله فلا انـساه
كود الليالي قد نست سيـل جــده
ابراهيم محمد الشمسان
